Ужо 5 год запар моладзь з Гродна напярэдадні Дня Усіх Святых збіраецца ў пабрыгіцкім касцёле на незвычайную Ружанцовую малітву з дапамогай інтэрнэт сувязі SKYPE. Гэтым разам да супольнай малітвы праз скайп далучыліся маладыя вернікі з Магілёва, Мінска і Наваполацка. Разам з прысутнымі Ружанцам маліўся таксама кс.бп. Аляксандр Кашкевіч. Ініцыятарам акцыі з’яўляецца душпастырства студэнцкай моладзі Гродна "Open" разам з іх душпастырам кс. Антоніем Грэмзам.
Перад распачаццем супольнай малітвы кс. Антоні адзначыў, што сёння вельмі распаўсюджанай з'явай з'яўляецца залежнасць моладзі ад інтэрнэту. "Але ў той жа час, - дадаў святар, - інтэрнэт з'яўляецца той прасторай, дзе можна абвяшчаць Бога, і нельга гэта ігнараваць".
Фота: Вольга Сяліцкая
