Новапрэзбітэры ўдзялілі прыміцыйнае благаслаўленне ўдзельнікам Парафіяды

13 Чэрвеня 2019

neaprezbitery 52 Трэці дзень Парафіяды дзяцей і моладзі Гродзенскай дыяцэзіі, 13 чэрвеня, распачаўся святой Імшой у капліцы Вышэйшай духоўнай семінарыі ў Гродне.

На малітве сабраліся ўдзельнікі гэтай сустрэчы, каб даверыць чарговы дзень Парафіяды Пану Богу. Маліліся таксама ў інтэнцыі новых пакліканняў да служэння ў Касцёле.

На заканчэнне Імшы святары, якія атрымалі прэзбітэрскае пасвячэнне ў апошні час – вікарый парафіі Беззаганнага Зачацця Найсвяцейшай Панны Марыі ў Гродне кс. Эрнэст Мікалайчык і вікарый парафіі Святых Космы і Дам’яна ў Астраўцы кс. Раман Вайцяховіч, – удзялілі ўсім прысутным прыміцыйнае благаслаўленне.