Святая Камунія адбылася ў Тракелях

2 чэрвеня ў санктуарыі Гродзенскай дыяцэзіі Маці Божай Каралевы нашых сем’яў у Тракелях (Радунскі дэканат) група дзяцей упершыню прыступіла да святой Камуніі.

Дзеці, якія належаць да гэтай парафіяльнай супольнасці, былі належным чынам падрыхтаваны да гістарычнай у сваім жыцці хвіліны праз удзел у катэхетычных занятках, набажэнствах, нядзельных і святочных Імшах. Напярэдадні ўрачыстасці Першай Камуніі яны прыступілі да сакрамэнту пакаяння і паяднання.

Святую Імшу ўзначаліў пробашч тракельскай парафіі і кусташ санктуарыя кс. Юрый Бяганскі.

Kс. Юрый Марціновіч