Дзень дзіцяці адзначылі ў Іўі

Штогод у парафіі Свв. апосталаў Пятра і Паўла ў Іўі праводзяцца мерапрыемствы, прысвечаныя Дню дзіцяці. Сёлета ў нядзелю 2 чэрвеня дзеці сабраліся на святую Імшу, падчас якой атрымалі благаслаўленне на перыяд летняга адпачынку.

Затым больш за 50 дзяцей прыехалі на роварах да касцёла, дзе прынялі ўдзел у велапрабегу ў інтэнцыі міру і абароны жыцця. Падчас свайго шляху маленькія парафіяне наведалі хворую дзяўчынку Насцю і сустрэліся з супрацоўнікамі ДАІ, якія нагадалі дзецям правілы дарожнага руху.

Напрыканцы дзеці патанцавалі і атрымалі салодкія падарункі.

Парафія дзякуе за сумесную працу Іўеўскаму райвыканкаму і ДАІ.

Раман Ярмош