2 сакавіка для дзяцей і моладзі са Шчучына айцамі піярамі была арганізавана сумесная паездка ў Гродна.
Падчас невялікага падарожжа ўдзельнікі мелі магчымасць бліжэй пазнаёміцца з с. Ганнай Мацуль з Кангрэгацыі Сясцёр Найсвяцейшай Сям’і з Назарэта і даведацца, як выглядае штодзённае жыццё сясцёр з гэтай манаскай супольнасці.
Таксама яны наведалі Вышэйшую духоўную семінарыю, гісторыю якой распавёў яе навучэнец Павел. Забаўляльнай часткай паездкі стала гульня ў лазертаг (для хлопцоў) і скачкі на батутах (для дзяўчат).
А. Віталій Слука SP
