13-14 лістапада ў парафіі Нараджэння Найсвяцейшай Панны Марыі ў Кемелішках (Астравецкі дэканат) адбылася сустрэча выпускнікоў 2005 г. Вышэйшай духоўнай семінарыі ў Гродне. Сустрэчу арганізаваў пробашч парафіі кс. Павел Гардзейчык.
Урачыстай святой Імшой, якую цэлебраваў кс. Алег Півавар, пробашч з Ваўкалаты, усе разам з былымі аднакурснікамі і вернікамі парафіі праслаўлялі Пана Бога і дзякавалі за дар святарства.
Гамілію прамовіў кс. Уладзімір Шымковіч, пробашч з Дуброўна, які падкрэсліў вялікую ролю адінства і любові да святарства. Ён таксама нагадаў, што кожны жыве пад апекай Найсвяцейшай Панны Марыі, якая для ўсіх з’яўляецца Маці Міласэрнасці.
Сустрэча святароў адбылася ў памятны дзень, бо 13 лістапада 2004 года яны прынялі дыяканскае пасвячэнне.
Вернікі на заканчэнне набажэнства павіншавалі святароў і падзякавалі за прыезд у кемелішскую парафію.
Тэкст і фота: кс. Віктар Захарэўскі
