Нягледзячы на прыход халадоў, пілігрымаў, якія хочуць пакланіцца Маці Божай Тракельскай, не становіцца менш. Санктуарый, дзе абрала сабе месца прабывання Каралева нашых сем’яў, наведваюць як арганізаваныя групы, так і індывідуальныя пілігрымы.
У апошні час у санктуарый прыбылі на малітву дзеці з парафіі Святых апосталаў Пятра і Паўла ў Іўі. Дзеці старанна маліліся ўвесь кастрычнік праз заступніцтва Маці Божай, штодзённа ўдзельнічалі ў Ружанцы ў сваёй святыні і як узнагароду атрымалі невялікую паломніцкую паездку ў санктуарый.
Тут яны прынялі ўдзел у святой Імшы, якую ўзначаліў іх пробашч кс. Ян Гавецкі. Святар заклікаў дзяцей сказаць Маці Божай у гэтым асаблівым месцы пра ўсе свае радасці і засмучэнні, бо Яна здольная надаць усяму гэтаму глыбейшы сэнс.
Таксама дзеці мелі магчымасць індывідуальна памаліцца.
Kс. Юрый Марціновіч
