18 жніўня ў Гродна завіталі пілігрымы з Польшчы, якія завяршылі 4-ы дзень свайго шляху да Маці Божай Вострабрамскай у Вільні.
Гродзенскія вернікі сустрэлі паломнікаў каля брамы Пабернардынскага касцёла, дзе раніцай 19 жніўня кс. біскуп Юзаф Станеўскі цэлебраваў для іх святую Імшу. 
Гэта ўжо XXIII экуменічная пілігрымка ў санктуарый Маці Міласэрнасці ў Вільні, у якой у гэтым годзе ўдзельнічае каля 400 вернікаў з Польшчы. Пасля ранішняй св. Імшы ў касцёле Адшукання Св. Крыжа да гэтага ліку далучылася яшчэ каля 100 гродзенскіх вернікаў.
Разам з пілігрымамі вуліцамі Гродна прайшоў біскуп Юзаф, які благаславіў паломнікаў на далейшы шлях да Нябеснай Маці.
Ангеліна Марцішэўская
