V Дыяцэзіяльны дзень дзіцяці завяршыўся. Другая палова дня азнаменавалася супольнай св. Імшой, якую ўзначаліў ардынарый Гродзенскай дыяцэзіі, ксёндз біскуп Аляксандр Кашкевіч, чарговымі забавамі і cюрпрызам на заканчэнне.
Гамілію падчас св. Імшы прачытаў ксёндз Раман Катлімоўскі, які заклікаў дзяцей кожны дзень імкнуцца да сустрэчы з Езусам і прасіць Яго аб ласцы мудрасці, радасці і любові да бліжняга.
Пасля св.Імшы бікуп Аляксандр падзякаваў усім прысутным за супольнае перажыванне свята, а дзеці атрымалі салодкія падарункі ад арганізатараў мерапрыемства.
Якія ўражанні пакінуў V Дыяцэзіяльны дзень дзіцяці, расказваюць нашаму парталу прадстаўніцы маленькіх вернікаў і іх апякуноў.
Ангеліна Міндзялевіч,11 гадоў, парафія Гродна-Аўгустувак
- Мне вельмі спадабалася танцаваць са смурфамі, таксама вельмі цікава было назіраць за фокусамі, яны мяне сапраўды азадачылі. А ўвогуле хачу падзякаваць Пану Богу за цёплае надвор’е, якое стаяла ўвесь дзень, за тое, што Ён зрабіў нам такі цудоўны падарунак.
Вікторыя Гомза, апякун
- На самой справе такія мерапрыемствы вельмі патрэбныя, таму што дзеці пазнаюць Бога менавіта праз гульні, забавы, праз кантакт адно з адным...Для таго, каб дзеці правільна развіваліся ў сваім пакліканні, вельмі важна, каб яны прымалі ўдзел у падобных мерапрыемствах.
Канешне, хачу падзякаваць арганізатарaм, вельмі парадавалі і дзяцей, і дарослых.
А мне ўвогуле больш за ўсё спадабаўся батут!
Падрыхтавала Ангеліна Марцішэўская
Фота: Вольга Сяліцкая
