У Вялікі Чацвер падчас св. Імшы Вячэры Пана, 17 красавіка, супольнасць міністрантаў парафіі Святой Сям’і ў Лідзе павялічылася на дванадцаць новых міністрантаў.
На пачатку св. Імшы кс. Юрый Гурскі як апякун міністрантаў прадставіў кандыдатаў да Службы Алтара. Пасля чаго кс. пробашч Юзэф Ганьчыц асвяціў комжы.
Потым наступіў момант, калі з дапамогай старэйшых міністрантаў кандыдатаў апранулі ў асвечаныя комжы.
Кс. пробашч павіншаваў новых міністрантаў Службы Алтара, пры гэтым заўважыў, што "быць міністратам гэта повад, каб ганарыцца. Быць бліжэй да Алтара значыць прыблізіцца да Божых спраў і прысвяціць свае інтарэсы, заняткі службе Касцелу".
кс. Юрый Гурскі
