Мы не так даўно перажывалі Тыдзень малітвы аб еднасці хрысціян. Пастар царквы хрысціян поўнага Евангелля "Жывое Слова" г. Гродна Малюкевіч Дзмітрый даслаў нам сваё разважанне, у якім дзеліцца сваім бачаннем еднасці хрысціян.
Мы часта чуем: "У адзінстве - сіла", і гэта праўда. Аднак узнікае пытанне, як дасягнуць адзінства? Часам гэта здаецца неажыццяўляльнай задачай. Нам хрысціянам неабходна не проста на словах сфармуляваць прынцып адзінства, але ажыццявіць на практыцы справы і ўчынкі, якія адлюстроўваюць гэта. Збаўца заклікаў сваіх вучняў да адзінства і маліўся так: "Каб усе былі адно; як Ты, Ойча, ува Мне, і Я ў Табе, каб і яны быі ў На, каб свет уверыў, што Ты Мяне паслаў" (Ян 17,21).
Ва ўзаемаадносінах людзей існуе саюз, які пабудаваны на гэтым законе. Гэта - сям'я. Сям'я ствараецца працай любові, дараваннем і міласэрнасцю, узаемнай падтрымкай і клопатам.
Царква гэта - сям'я Божая. Мы Яго дзеці і таму нам неабходна рабіць у адпаведнасці з воляй Божай!
"Але на пачатку стварэння мужчынай і жанчынай стварыў іх Ён. Таму пакіне чалавек бацьку свайго і маці, ды злучыцца з жонкай сваёю, ды будуць двое адным цеам; значыць іх ўжо не двое, але адно цела. Што вось Бог злучыў, хай чалавек не разлучае". (Мк 10,6-9)
Царква як і сям'я створана і падтрымліваецца Божай рукой, але не толькі Яго сіла, але ўсё Яго сэрца поўнае любові і ласкі прысвечана гэтым інстытутам!
Разумеючы і прымаючы гэтую задуму, нашыя сэрцы адкрываюцца для шчырай малітвы і дзеянняў са стваральнай сілай адзінства. Госпад хай дабраславіць усіх нас у стварэнні Цела Яго.
Малюкевіч Дзмітрый
