27 красавіка, у нядзелю Божай Міласэрнасці, біскуп Гродзенскі Уладзімір Гуляй асвяціў адноўленую капліцу ў манаскім доме Таварыства Сясцёр Місіянерак Каталіцкага Апостальства (палатынак) у Воранаве.
На абрадзе асвячэння прысутнічалі сёстры палатынкі і ксяндзы палатыны, якія служаць у воранаўскай парафіі.
Пастыр Касцёла на Гродзеншчыне пажадаў палатынкам, каб адноўленая капліца была для іх асаблівым месцам, дзе яны будуць чэрпаць сілы, патрэбныя для выканання штодзённых задач і абавязкаў.
Іерарх удзяліў прысутным пастырскае благаслаўленне.
Прэс-служба Гродзенскай дыяцэзіі
