8 і 15 лютага вернікі парафій у Грандзічах і Путрышках (дэканат Гродна-Усход) разам са сваім пробашчам кс. Віктарам Велівісам наведалі розныя парафіі Гродзенскай дыяцэзіі.
Агульная колькасць удзельнікаў пілігрымкі склала каля 50 чалавек.
8 лютага яны наведалі касцёлы Ваўкавыскага дэканату.
У наступны раз пілігрымы пабывалі яшчэ ў дванаццаці святынях – у тым ліку ў Мастах, Дзярэчыне, Зэльве, Крамяніцы, Вялікай Рагозніцы, Песках, Жалудку.
Удзельнікам паездкі распавялі аб кожнай з наведаных парафій і пазнаёмілі з архітэктурай касцёлаў.
Вернікі атрымалі багатыя ўражанні і засталіся вельмі задаволеныя сваёй вандроўкай.
Прэс-служба Гродзенскай дыяцэзіі
