Кожную трэцюю нядзелю месяца ў рэктаральным касцёле Звеставання Найсвяцейшай Панне Марыі (пабрыгіцкі) у Гродне адбываецца малітва ў духу Тэзэ.
Да ўдзелу запрашаюцца ўсе жадаючыя, якія хочуць быць разам у адзінстве малітвы.
Сустрэчы праходзяць пасля святой Імшы, якая пачынаецца ў 19 гадзін.
Арганізатары падкрэсліваюць, што гэтыя малітоўныя сустрэчы дапамагаюць праяўляць сваю веру штодня, узрастаць у ёй, a таксама з’яўляюцца знакам адкрытай і гасціннай супольнасці людзей рознага паходжання з мэтаю пераадолення бар’ераў паміж суседзямі, культурнымі і этнічнымі групамі, рознымі вызнаннямі.
JM
