5 красавіка ў Івянцы (Мінска-Магілёўская архідыяцэзія) адбылася міждыяцэзіяльная сустрэча душпастыраў моладзі, якая насіла арганізацыйны характар. Падчас сустрэчы абмяркоўваўся ход падрыхтоўкі да рэспубліканскіх Дзён моладзі. Гродзенскую дыяцэзію на гэтай сустрэчы прадстаўляў кс. Антоні Грэмза, адказны за працу з моладдзю ў нашай дыяцэзіі.Паводле пераданай кс. Антоніем інфармацыі для нашага партала, у бліжэйшы час з’явіцца падрабязная праграма Дзён моладзі ў Івянцы. Моладзь нашай дыяцэзіі прыме ў іх актыўны ўдзел. Да арганізацыі агульнабеларускай Сустрэчы маладых далучацца таксама святары. Так, а. Юзаф Макарчык правядзе круглы стол на тэму акультызму, а кс. Павел Салабуда – на тэму Касцёла і сродкаў масавай інфармацыі.; кс. Антоні Грэмза падрыхтуе прэзентацыю нашай дыяцэзіі з акцэнтам на яе знакамітых асоб і святыя месцы. У першы дзень сустрэчы выступіць калектыў Гродзенскай вышэйшай духоўнай семінарыі “AVE”.
Шчыра запрашаем моладзь нашай дыяцэзіі на рэспубліканскія Дні моладзі, якія пройдуць у Івянцы з 5 па 7 жніўня.
