Традыцыйна ва ўрачыстасць Хрыста Караля, Валадара Сусвету, міністранты і моладзевы хор "Calasanz" шчучынскай парафіі св. Тэрэзы Авільскай аднавілі абяцанні аддана выконваць свае абавязкі на хвалу Богу і карысць бліжнім.
Падчас урачыстай Эўхарыстыі ў супольнасць кандыдатаў, якія рыхтуюцца стаць міністрантамі, былі прыняты 16 хлопцаў. У сваю чаргу ўдзельніцы хору атрымалі ў гэты дзень адзнакі прыналежнасці да "Calasanz", а іх супольнасць таксама павялічылася на некалькі новых галасоў.
Пасля супольнай св. Імшы моладзь чакаў салодкі стол.
Тэкст і фота: а. Віталій Слука SP
