17 студзеня ў шчучынскай парафіі Св. Тэрэзы ад Езуса (Авільскай) адбылася юбілейная ўрачыстасць з нагоды 25-годдзя манаскага жыцця сястры Паўлы Марыі Волчак CSFN (якая ў дадзены момант нясе манаскую паслугу ў Аўстраліі). Эўхарыстыю ўзначаліў кс. Мікалай Ціхановіч.
Падчас святой Імшы с. Паўла дала сведчанне свайго манаскага жыцця і распавяла пра тое, як выглядала яе ўласная дарога да Бога. Напрыканцы св. Імшы с. Паўла аднавіла свае манаскія абяцанні, таксама падзякавала Богу за дар жыцця, паклікання да манаства і ўсім прысутным за малітву ў яе інтэнцыі.
У юбілейных урачыстасцях прынялі ўдзел а. Вітальд Пяцельчыц SP, пробашч парафіі ў Шчучыне, а. Віктар Бурлака OFM, пробашч парафіі ў Будславе, самыя блізкія з сям’і манахіні і сёстры назарэтанкі на чале з правінцыяльнай сястрой.
а. Віталій Слука SP
