VІ Велікодная Нядзеля. Кс. Аляксандр Лебядзевіч
Езус сказаў сваім вучням: Калі хто любіць Мяне, той захоўвае слова Маё, і палюбіць таго Айцец Мой, і прыйдзем да яго, і зробім жыллё ў яго. Хто не любіць Мяне, той не захоўвае слоў Маіх. А слова, якое вы чуеце, не Маё, але Айца, які паслаў Мяне…
А як жа гэта учыніць канкрэтна? Як захаваць Слова і жыць паводле яго?
Прапаную Вашай увазе некалькі пунктаў, спосабаў, дзякуючы якім мы выкажам сваю любоў да Бога і бліжніх.
• Вывучыць імёны тых асобаў, з якімі вучымся, працуем, суседзяў і гаварыць да іх, звяртаючыся па імя.
• Старацца зразумець іншага чалавека і ўмець спакойна выслухаць.
• Добра думаць аб іншых.
• Рабіць дабро, асабліва тым, хто гэтага не заслугоўвае.
• Усміхацца. Заўсёды ўсміхацца.
• Вітацца з людзьмі, нават з тымі, каго добра не ведаем.
• Наведваць хворых, асабліва невылечна.
• Пазычаць людзям.
• Умець зрабіць нешта прыемнае таму, хто не спадзяецца.
• Забыць пра крыўды.
• Не помсціць.
• Цярпліва зносіць нудных людзей.
• Не пазбягаць людзей антыпатычных.
• Размаўляць з глухімі без нерваў.
• Адказваць на ўсе тэлефоны і лісты.
• Гуляць з дзецьмі. Не шкадаваць прысвечанага ім часу.
• Дадаваць надзеі людзям старэйшым. Умець цаніць іх дабро.
• Памятаць пра дату імянін і дні нараджэння блізкіх і сяброў.
• Даваць маленькія падарункі, не спадзеючыся на ўдзячнасць.
• Прыходзіць пунктуальна на сустрэчы, хоць бы часам нам прыйшлося чакаць.
• Паўтараць людзям тое добрае, што аб іх пачулі.
• Прыносіць добры гумар і настрой.
• Не спрачацца з нікім, не гневацца.
• У дыскусіях лагодна, цярпліва прадставіць свае меркаванні.
• Ніколі не крычаць, не павышаць голасу.
• Гаварыць праўду так, каб не было балюча і непрыемна.
Здаецца, гэта дробязі… Звычайныя рэчы, але дзякуючы мільёну такіх дробязяў мы можам змяніць сябе і іншых.
