8 верасня ў навіцыяцкім кляштары Ордэну святога Паўла, Першага пустэльніка (паўліны), у Лесьнёве (Польшча) восем навіцыяў ордэну прынеслі першыя манаскія абяцанні. Сярод іх Уладзіслаў Лопух з парафіі св. Ганны ў Варончы (Навагрудскі дэканат).
Як паведамляе pauliny.by, астатнія навіцыі паходзяць з Польшчы, Славакіі, Венгрыі і Харватыі.
Да прынясення манаскіх абяцанняў навіцыі рыхтаваліся цэлы год пад пільным кіраўніцтвам айца магістра. На працягу гэтага часу браты маліліся, працавалі і знаёміліся з паўлінскай духоўнасцю.
Брата Уладзіслава, які праз прынясенне абяцанняў прысвяціў сваё жыццё служэнню Богу і Панне Марыі, цяпер чакаюць шэсць гадоў вучобы ў духоўнай семінарыі, дзе ён будзе вывучаць філасофію і тэалогію.
