2 сакавіка міністранты гродзенскай парафіі Святога Духа наведалі Вышэйшую духоўную семінарыю ў Гродне.
Юнакі пазнаёміліся не толькі з будынкам семінарыі, але і з ладам яе жыцця. Яны маглі пабачыць спецыфіку гэтай духоўнай навучальнай установы і штодзённае жыццё яе студэнтаў.
Студэнты семінарыі распавялі гасцям, як яна была заснавана, як на працягу больш чым 30 гадоў змяняўся яе выгляд.
У суправаджэнні студэнтаў міністранты пазнаёміліся з капліцай – сэрцам семінарыі, пабывалі ў пакоях і аўдыторыях, даведаліся аб распарадку дня і абавязках семінарыстаў. У семінарыйнай бібліятэцы юнакі з захапленнем разглядалі розныя літургічныя кнігі і Рымскі Імшал на лацінскай мове, якому больш за сто гадоў.
Большасць міністрантаў наведалі семінарыю ўпершыню. Экскурсія падарыла ім шмат прыемных уражанняў, дапамагла больш зацікавіцца дзейнасцю семінарыі і жыццём яе студэнтаў.
Прэс-служба Гродзенскай дыяцэзіі