У пачатку студзеня ў Вышэйшай духоўнай семінарыі ў Гродне прайшла традыцыйная “каляда”. Духоўны айцец семінарыстаў кс. Ян Сарэла благаславіў пакоі студэнтаў і іншыя памяшканні семінарыі.
На пачатку абраду семінарыйная супольнасць сабралася на малітве ў капліцы гэтай духоўнай навучальнай установы, даручыўшы Богу новы год і просячы Яго шчодрых ласкаў на гэты час.
Таксама прысутныя разам памаліліся ў інтэнцыі семінарыі і ўсіх, хто ўтварае яе супольнасць.
Пасля духоўны айцец благаславіў і акрапіў асвячонай вадой капліцу, пакоі выхаваўцаў і студэнтаў, кухню і сталовую, месцы вучобы.
Прэс-служба Гродзенскай дыяцэзіі
Фота: Станіслаў Бервячонак
