Як і штогод, 25 снежня, ва ўрачыстасць Божага Нараджэння, маладыя людзі парафіі Узвышэння Святога Крыжа ў Лідзе (Фара) сабраліся на аплаткавай сустрэчы.
У сустрэчы ўдзельнічалі вікарый парафіі кс. Дзмітрый Малец і семінарысты Віталій і Аляксей, якія з яе паходзяць.
Пачалася сустрэча чытаннем урыўка з Евангелля паводле Лукі. Потым святар звярнуўся да моладзі са словам.
Ксёндз Дзмітрый падкрэсліў, што ў гэты асаблівы дзень трэба ўмець папрасіць прабачэння і падзякаваць адзін аднаму нават за маленькія добрыя рэчы.
Сустрэча прайшла ў вельмі цёплай і сямейнай атмасферы, кожны мог падзяліцца аплаткай і пачуць у свой адрас шмат добрых слоў.
Вечар завяршыўся салодкім пачастункам і танцамі.
Дзіяна Бранчэль
Фота: кс. Дзмітрый Малец, Дзіяна Бранчэль