23 снежня пры парафіі Узвышэння Святога Крыжа ў Лідзе (Фара) адбылася аплаткавая сустрэча міністрантаў з удзелам вікарыя парафіі кс. Юрыя Садоўскага і семінарыстаў Віталія і Аляксея, якія з яе паходзяць.
Сустрэча традыцыйна пачалася чытаннем урыўка з Евангелля паводле Лукі. Затым прысутныя праспявалі калядкі.
З вялікай радасцю трымаючы ў ручках белыя аплаткі, міністранты дзяліліся імі і выказвалі віншаванні і добрыя словы, што паходзілі з сэрца.
Ксёндз Юрый Садоўскі, звяртаючыся да маленькіх служачых алтара Пана, пажадаў ім кожны дзень быць для іншых анёламі, якія будуць абвяшчаць радасць пра нараджэнне Езуса Хрыста.
Сустрэча працягнулася ў цёплай святочнай атмасферы.
Дзіяна Бранчэль
Фота: кс. Дзмітрый Малец