1 лістапада, калі Каталіцкі Касцёл адзначае адну з найважнейшых урачыстасцяў – ушаноўвае Усіх Святых, – гродзенскую парафію Святога Духа (Альшанка) наведалі незвычайныя госці.
Да малодшых вернікаў парафіі завіталі нябесныя заступнікі. Святыя Францішак, Мікалай, Аліцыя, Маці Божая са святым Юзафам і іншыя распавялі дзецям пра сваё зямное жыццё і сваю дарогу да святасці. У кожнага з іх яна была адметная, але іх аб’ядноўвалі гарачая любоў да Бога і ўчынкі міласэрнасці.
Таму на святой Імшы ў гэты дзень пробашч парафіі кс. канонік Павел Салабуда заахвоціў прысутных прыняць удзел у акцыі “Падзяліся дабром”.
Супольнасць парафіі спадзяецца, што прыклад нябесных заступнікаў адкрые дзіцячыя сэрцы да жадання дабра і святасці.
Прэс-служба Гродзенскай дыяцэзіі
