22 кастрычніка ў санктуарыі Гродзенскай дыяцэзіі Маці Божай Шкаплернай у Гудагаі (Астравецкі дэканат) маліліся за бацькаў сем’яў з нагоды іх свята, якое адзначалася ў Беларусі днём раней.
У малітве бацькі даверылі сябе і свае сем’і Пану Богу, заклікаючы заступніцтва Багародзіцы Марыі, святога Юзафа і сваіх святых апекуноў.
Дзеці павіншавалі сваіх татаў. Таксама адбылося ўзнагароджанне медалём “Лепшага таты”.
Дзеці, прысутныя на святой Імшы, асабліва прасілі добрага Бога адарыць шчодрымі ласкамі iх сем’і і людзей, блізкіх іх сэрцам.
Прэс-служба Гродзенскай дыяцэзіі
Фота: с. Ідалія Мархоцкая
