У парафіі Найсвяцейшай Тройцы ў Зэльве (Слонімскі дэканат) дзеці, якія рыхтуюцца ў наступным годзе прынять Першую святую Камунію, атрымалі свае першыя ружанцы.
Ружанцы ўручыў ім пробашч парафіі кс. Яцэк Маркель CMF.
Вельмі сімвалічна, што падзея адбылася ў месяцы кастрычніку, асаблівым чынам прысвечаным Найсвяцейшай Панне Марыі, да якой вернікі ўсяго свету ў гэты час звяртаюцца словамі малітвы Ружанца.
Молячыся на ружанцы і разважаючы над ружанцовымі таямніцамі разам з вернікамі парафіяльнай супольнасці, дзеці пазнаюць жыццё Езуса Хрыста і Яго Маці.
Прэс-служба Гродзенскай дыяцэзіі
