Кожны месяц салезіяне-супрацоўнікі Смаргоні збіраюцца на фармацыйную сустрэчу, каб пабыць разам, пагутарыць, падзяліцца апошнімі навінамі і набрацца духоўных сіл на наступны месяц.

Тэмай сустрэчы, якая прайшла ў лютым, было хрысціянскае пакліканне. На пачатку сустрэчы адказныя за фармацыю прадставілі Звеставанне Марыі як вобраз паклікання кожнага чалавека. Потым у малых групах разважалі пра пакліканне з розных бакоў: шлях святасці, апостальства, асаблівасці і харызмы. У групах была магчымасць падзяліцца перажываннямі, меркаваннямі, уласным вопытам.

Падсумоўваючы сустрэчу, пробашч парафіі св. Міхала Арханёла ў Смаргоні кс. Павел Шчарбіцкі SDB адзначыў, што ўсе з прысутных праз знакі ад Бога знайшлі сваё пакліканне, ідуць шляхам святасці, а таксама маюць асабістае салезіянскае пакліканне. Гэтае пакліканне, па словах святара, перш за ўсё падтрымлівае любоў, і калі ў кагосьці яна згасае, то ёсць супольнасць, якая павінна мець адкрытыя вочы, каб своечасова ўбачыць такога чалавека і дапамагчы яму запаліць агонь любові зноў.

30 студзеня, напярэдадні ўрачыстасці св. Яна Боско, вернікі Смаргоні ўдзельнічалі ў адмысловым набажэнстве “Транзітус”, якое ўзначаліў дапаможны біскуп Гродзенскай дыяцэзіі Юзаф Станеўскі. Гэта малітоўнае чуванне напярэдадні ўспаміну святога, якое мае карані ў францішканскай традыцыі.

“Транзітус” даслоўна азначае пераход, і ў дадзеным выпадку маецца на ўвазе пераход душы ксяндза Боско ў радасць Нябеснага Валадарства. Пераход, які неад’емна звязаны з смерцю, з’яўляецца ў пэўным сэнсе сумным, бо асоба перастае жыць у зямных рэаліях, але для хрысціянаў гэта адначасова вельмі радасны дзень, бо калі гэты чалавек святы і чысты ў вачах Бога, ён у той момант нараджаецца для неба.

“Транзітус” св. Яна Боско – момант яго сустрэчы з Богам тварам у твар. Праз разважанне над гэтым момантам удзельнікі набажэнства хочуць так, як ён, добра падрыхтавацца да свайго пераходу і мець у сэрцах за мэту толькі Божы Дом.

Набажэнства складаецца з трох частак: нешпары на ўрачыстасць святога, выстаўленне Найсвяцейшага Сакрамэнту і апошні дзень навэнны да св. Яна Боско, чытанне жыццяпісу апошніх дзён святога. Падзеі, даты і людзі, якія ўзгадваліся падчас набажэнства, дапамагалі вернікам глыбей перажыць апошнія дні святога і ўвайсці ў клімат “транзітусу” айца і настаўніка моладзі.

Марта Адахоўская

2021 год – ​ юбілейны для манаскай кангрэгацыі салезіянаў ксяндза Боско, прадстаўнікі якой працуюць у шматлікіх мясцовасцях нашай Бацькаўшчыны.

Роўна 100 год таму ў невялікае мястэчка Дварэц, што на Дзятлаўшчыне, прыбыў першы салезіянін на гэтых землях – кс. Людвіг Гастыла. Духоўны сын св. Яна Боско ў падараваным Радзівіламі палацы распачаў сталярную і шавецкую школу для пакінутых хлопцаў з бедных сямей.

У Дварцы таксама быў створаны першы ў Беларусі салезіянскі араторый. З гэтай нагоды ў юбіленым годзе будзе апублікаваны адмысловы фільм пра гісторыю 100-годдзя салезіянаў на Беларусі. Фільм ўжо на завяршаючай стадыі здымання.

Пасля мантажа яго можна будзе пабачыць на тэлебачэнні і на прасторах інтэрнэта. Зараз прапануем вам трэйлер гэтага фільма, каб зацікавіць вас і накрэсліць, аб чым ён будзе.​

Паводле sdb.by

19 ліпеня падчас нядзельнай Эўхарыстыі адбылося прывітанне новага пробашча вернікамі капліцы Маці Божай Вастрабрамскай у Залессі (Смаргонскі дэканат).

12 ліпеня падчас святой Імшы на пасаду пробашча парафii св. Мiхала Арханёла ў Смаргоні ўступіў кс. Павел Шчарбiцкi SDB.

24 мая салезіяне Смаргоні адзначыла ўрачыстасць Марыі Успамогі Хрысціянаў. Менавіта Марыю Успамогу хрысціянаў выбраў святы ксёндз Боско галоўнай апякункай усіх галін Салезіянскай сям’і: ксяндзоў салезіянаў, сясцёр законных – дачок Марыі Успамогі, салезіянаў-супрацоўнікаў, членаў асацыяцыі ADMA.

10 мая вернікі парафіі св. Міхала Арханёла ў Смаргоні на святой Імшы дзякавалі за шматгадовае служэнне ў парафіі свайму пробашчу кс. Алегу Жураўскаму. Далей святар будзе служыць у адной з парафій Гродзенскай дыяцэзіі.

З 7 па 8 сакавіка ў cалезіянскім араторыі імя святога Яна Боско ў Смаргоні, які дзейнічае пры парафіі Святога Міхала Арханёла, адбылася сустрэча для ўдзельнікаў “Савіо-клуба”.

З 29 лютага па 1 сакавіка ў Смаргоні прайшла сустрэча прадстаўнікоў літургічнай службы алтара салезіянскіх парафій Беларусі. Як паведамляе sdb.by, падчас сустрэчы юнакі мелі магчымасць паглыбіць літургічныя веды, прыняць удзел у спартыўных спаборніцтвах і проста сумесна правесці час у салезіянскім стылі.

У парафіі святога Міхала Арханёла ў Смаргоні адбыўся вечар пад назвай “Пакаленне 2.0”, у якім прынялі ўдзел амаль 240 чалавек.

9 лютага ў Дзятлаўскім цэнтры культуры і народнай творчасці прайшоў канцэрт памяці святога Яна Боско, апекуна моладзі, і святога Яна Паўла ІІ, якому прысвечаны бягучы душпастырскі год у Каталіцкім Касцёле ў Беларусі з нагоды 100-годдзя яго нараджэння.

31 студзеня – асаблівая дата для салезіянскай сям’і ўсяго свету, бо менавіта ў гэты дзень нарадзіўся для вечнага жыцця ў Небе св. Ян Боско. Парафія св. Міхала Арханёла ў Смаргоні пачала святкаванне напярэдадні ўрачыстасці набажэствам “Транзітус”. Вернікі перад Найсвяцейшым Сакрамэнтам разважалі над апошнімі момантамі жыцця св. Яна Боско, яго словамі, настаўленнямі і ўчынкамі.