Ліда

“Гадзіна ласкі для свету” прайшла ў лідскай парафіі Святой Сям’і

8 снежня, ва ўрачыстасць Беззаганнага Зачацця Найсвяцейшай Панны Марыі, у лідскай парафіі Святой Сям’і прайшла “Гадзіна ласкі для свету”, аб’яднаная з выстаўленнем Найсвяцейшага Сакрамэнту. У парафіяльнай святыні сабраліся вернікі, каб прадставіць Богу ўсе свае просьбы, а таксама каб супольна маліцца аб спыненні пандэміі каранавірусу ва ўсім свеце і аб хутчэйшым і мірным завяршэнні грамадска-палітычнага крызісу ў нашай краіне. “Гадзіна ласкі для свету” злучаецца з аб’яўленнем Марыі, якая 8 снежня 1947 г. у Мантэк’яра ў Італіі сказала: “Спадзяюся, што кожны год 8 снежня апоўдні будзе праводзіцца “Гадзіна ласкі для ўсяго свету”. Дзякуючы малітве ў гэтую Гадзіну спашлю шмат ласкаў для душы і цела. Будуць масавыя навяртанні. Душы зацвярдзелыя і халодныя, як мармур, будуць узрушаны Божай ласкай і зноў стануць вернымі і любячымі Бога. Маё пажаданне, каб гэтая Гадзіна распаўюджвалася. У хуткім часе людзі пазнаюць важнасць гэтай Гадзіны ласкі. Калі хтосьці не можа ў гэты час прыйсці ў касцёл, няхай моліцца дома”.  Вечарам у лідскай парафіі вернікі на чале з новым пробашчам кс. Русланам Мазанам прысвяцілі Беларусь Беззаганнаму Сэрцу Марыі. З верай у дапамогу Маці Божай яны звярнуліся да Яе, каб Яна выпрасіла ў свайго Сына, Міласэрнага Езуса, для ўсіх парафіян, усіх людзей і для нашай Бацькаўшчыны ласку спынення пандэміі каранавірусу і ласку мірнага жыцця. Кс. Юрый Марціновіч  

100-годдзе нараджэння св. Яна Паўла ІІ адзначылі ў лідскай Фары

18 мая адзначалася 100-годдзе з дня нараджэння св. Яна Паўла ІІ. У лідскай парафіі Узвышэння Святога Крыжа (Фара) адбылася ўрачыстая Імша падзякi за дар Папы для Касцёла.

Mалітва за хворых прайшла ў Лідскай цэнтральнай раённай бальніцы

11 лютага ў капліцы Маці Божай з Люрда Лідскай цэнтральнай раённай бальніцы адбылася святая Імша ў інтэнцыі пацыентаў бальніцы i горада Ліда.

Tры кандыдаты з Гродзенскай дыяцэзіі прыняты на першы год навучання ў семінарыю

20 ліпеня ў будынку Канферэнцыі Каталіцкіх Біскупаў у Беларусі ў Мінску адбыўся першы тур уступнага экзамену для кандыдатаў на першы год навучання ў Вышэйшых духоўных семінарыях у Гродне і Пінску.

Адпустовая ўрачыстасць з удзелам біскупа Станеўскага прайшла ў лідскай парафіі Святой Сям’і

27 снежня лідская парафія Святой Сям’і адзначыла парафіяльную ўрачыстасць. Галоўную адпустовую Эўхарыстыю, на якой сабраліся шматлікія вернікі і святары, узначаліў дапаможны біскуп Гродзенскай дыяцэзіі Юзаф Станеўскі.  У гэты дзень у парафіі гасціла “Радыё Марыя” на чале з дырэктарам кс. Аляксандрам Фаміных. Імша з удзелам біскупа Станеўскага транслявалася па радыё. На пачатку літургіі ўсіх гасцей прывітаў пробашч парафіі кс. Руслан Мазан. Святар зазначыў вялікі ўклад у развіццё парафіі і адданасць людзям былога пробашча кс. Юзафа Ганьчыца, які восенню адышоў у вечнасць. Біскуп Станеўскі ў гаміліі засяродзіў увагу на постацях маленькага Езуса Хрыста, Маці Божай і св. Юзафа. “Цяпер наш позірк скіраваны на Святую Сям’ю ў Бэтлееме, якая з’яўляецца прыкладам еднасці і любові для нашых сем’яў. Гледзячы на постаці пастушкоў, бачым прыклад здаровых адносін паміж людзьмі, а тры каралі вучаць нас шукаць правільныя шляхі ў вырашэннях гаспадарчых, эканамічных і палітычных справаў”, – сказаў іерарх. Біскуп звярнуў увагу на вартасць бацькоўства ў сучасным грамадстве. “Матулі, старайцеся далікатна калыхаць вашых дзетак у калысках, бо ад выхавання аднаго дзіцяці залежыць заўтрашні лёс”, – адзначыў ён. Пасля Імшы адбылося выстаўленне Найсвяцейшага Сакрамэнту. Падчас адарацыі прысутныя памаліліся Літаніяй да Маці Божай і заспявалі гімн “Цябе, Божа, праслаўляем”. Aндрэй Юхнік

Адпустовая ўрачыстасць у лідскай Фары: Бог не хоча ад нас эмоцый, Ён хоча ад нас ахвяры

Святой Імшой апоўначы распачалося святкаванне адпустовай урачыстасці ў парафіі Узвышэння Святога Крыжа ў Лідзе (Фара).

Адышоў у вечнасць кс. канонік Юзаф Ганьчыц (абноўлена)

Курыя Гродзенская дыяцэзіі са смуткам паведамляе, што 13 кастрычніка адышоў па ўзнагароду да Пана кс. канонік Юзаф Ганьчыц, пробашч парафіі Святой Сям'і ў Лідзе.

Акцыю “Збярэм дзяцей са шматдзетных сем’яў у школу” правялі ў лідскай Фары

27 жніўня ў парафіі Узвышэння Святога Крыжа ў Лідзе (Фара) адбылася акцыя “Збярэм дзяцей са шматдзетных сем’яў у школу”.

Арцыбіскуп Кандрусевіч у Лідзе: Беларусь трэба лячыць, пакуль мы як нацыя не загінулі канчаткова

21 лютага Ганаровы Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу ў касцёле Узвышэння Святога Крыжа ў Лідзе. Перад Імшой іерарх падзякаваў вернікам за малітвы падчас яго выгнання, якое працягвалася амаль чатыры месяцы: «Гэта быў знак салідарнасці з біскупам, які ўвесь час памятаў аб верніках і краіне, якая знаходзіцца ў грамадска-палітычным крызісе. Такім чынам, будучы падзеленымі, мы былі аб’яднаны малітвай і клопатам пра нашу будучыню». У прамоўленай гаміліі арцыбіскуп нагадаў, што падчас Вялікага посту «Касцёл стараецца пераарыентаваць жыццёвыя прыярытэты чалавека так, каб яны адпавядалі Божай волі, каб матэрыяльныя каштоўнасці, задавальненні гэтага свету, імкненне да ўлады ці штосьці іншае не займала месца Бога». Іерарх, разважаючы пра тое як ставіцца да духоўных і жыццёвых цяжкасцяў, прыгадаў вядомага палітыка ХХ стагоддзя прэм’ер-міністра Вялікабрытаніі Уінстана Чэрчыля: «За сваё доўгае і вельмі паспяховае палітычнае жыццё ён меў шмат прамоваў, якія ўвайшлі ў сусветны залаты аратарскі фонд. Аднак яго словы Never give up! — «Ніколі не здавайся! — сталі самай лаканічнай і адначасова самай лепшай прамовай». Гаворачы пра евангельскі ўрывак, які быў прачытаны на Імшы, арцыбіскуп таксама заўважыў, як важна чуваць і не паддавацца спакусам злога духа. «А тым больш небяспечна ўступаць з ім у кампраміс», — дадаў іерарх. «У цішыні Вялікага посту перад люстэркам Божага закону мы можам лепш пазнаць сябе, свае духоўныя хваробы, каб потым з Божай дапамогай лячыць іх і не паддавацца спакусам злога духа», — працягваў арцыбіскуп. «Грамадска-палітычны крызіс, у якім знаходзіцца наша Бацькаўшчына, нагадвае пра тое, што яна хворая і яе неабходна лячыць пакуль мы як нацыя не загінулі канчаткова.Усялякае зло — як у жыцці асобнага чалавека, так і грамадства — бярэ свой пачатак ад непаслухмянасці Божаму закону. Таму ў гэтай складанай сітуацыі нам неабходна тэрмінова вярнуцца да захавання Божага закону, найперш праз малітву і пакаянне. Без Божай дапамогі ніякія намаганні палітыкаў, грамадскіх дзеячаў і эканамістаў не вырашаць праблему. Зло трэба перамагаць дабром. Грэх — Божай ласкай. Гэта нялёгкая справа, але з Божай дапамогай магчымая», — сцвердзіў арцыбіскуп Кандрусевіч. «Беларусь, не паддавайся песімізму і памятай, што ў Бога ўсё магчыма. Ніколі не здавайся!Шляхам навяртання і захавання Божага закону ідзі да сваёй Пасхі», — заключыў іерарх.   Паводле Catholic.by  

Біскуп Кашкевіч у дзень 30-годдзя прыняцця сакры наведаў лідскую Фару

У дзень юбілею 30-годдзя біскупскай сакры, які прыпаў на ўрачыстасць Спаслання Духа Святога, біскуп Гродзенскі Аляксандр Кашкевіч наведаў касцёл Узвышэння Святога Крыжа ў Лідзе (Фару). Для парафіян гэта быў радасны дзень, калі яны маглі не толькі маліцца за свайго пастыра, але і асабіста выказаць яму віншаванні. Іерарх узначаліў у святыні Імшу, падчас якой група адпаведна падрыхтаваных вернікаў прыняла сакрамэнт хрысціянскай сталасці, абавязаўшыся вызнаваць веру і жыць паводле яе прынцыпаў. Біскуп падзякаваў бацькам, дзеці якіх у гэты дзень былі ўзбагачаны сямю дарамі Духа Святога ў канфірмацыі, за клопат аб іх рэлігійным выхаванні і прыклад апостальскай руплівасці, дадзены ў родным доме. Тых жа, якія ў гэты дзень адкрыліся на Духа Святога, пастыр Гродзенскай дыяцэзіі заахвоціў супрацоўнічаць з ласкай Пана і добра выкарыстоўваць дары, якія паходзяць ад Божага Духа. На заканчэнне Эўхарыстыі дзеці, моладзь і прадстаўнікі парафіян звярнуліся да юбіляра са шчырымі пажаданнямі. Між іншым яны падарылі іерарху святочны торт з яго гербам. Пробашч парафіі кс. канонік Уладзімір Гуляй выказаў удзячнасць біскупу, які ў гэты радасны дзень свайго юбілею прыняцця сакры захацеў памаліцца з лідскімі вернікамі. Кс. Юрый Марціновіч  

Біскуп Кашкевіч удзяліў сакрамэнт канфірмацыі ў лідскай парафіі Святой Сям’і

22 жніўня ў парафіі Святой Сям’і ў Лідзе біскуп Гродзенскі Аляксандр Кашкевіч удзяліў сакрамэнт канфірмацыі вернікам гэтай супольнасці. Сямю дарамі Духа Святога былі ўзбагачаны 140 чалавек, з якіх большасць склалі маладыя людзі.

Біскуп Станеўскі ў лідскай Фары: у Хрысце мы знойдзем поўны сэнс і мэту свайго жыцця

6 студзеня, ва ўрачыстасць Аб’яўлення Пана, Генеральны вікарый Гродзенскай дыяцэзіі біскуп Юзаф Станеўскі наведаў парафію Узвышэння Святога Крыжа ў Лідзе (Фара).  У парафіяльнай святыні іерарх узначаліў урачыстую Імшу, падчас якой таксама благаславіў крэйду, каб адзначаць ёю дзверы дамоў і памяшканняў. У гаміліі ён засяродзіў увагу на ўрачыстасці, якая святкавалася ў гэты дзень. Іерарх падкрэсліў, што да Езуса можна крочыць рознымі шляхамі і да Яго вядуць розныя сцежкі. “Адны – як пастухі – толькі спусціліся з гары ў мястэчка Бэтлеем, каб пакланіцца нованароджанаму Езусу. Іншыя – як Тры каралі – мусілі прайсці доўгі шлях, каб урэшце сустрэцца з Езусам і ахвяраваць Яму свае дары. Сёння мы захапляемся намаганнямі і адвагай гэтых мудрацоў”, – дадаў біскуп. Ён падкрэсліў, што ў кожнага чалавека ёсць хвіліны, калі не хочацца ісці далей, калі падаеш змучаны, калі прыходзіць спакуса, каб вярнуцца або прынамсі застацца на тым жа месцы. Таму іерарх заахвоціў у такія хвіліны, калі губляецца ахвота, прыгледзецца да Трох каралёў, а таксама да многіх іншых нашых святых і благаслаўлёных, якія ніколі не стамляліся ў дарозе, а шукалі праўды, сапраўднай крыніцы мудрасці і сэнсу жыцця. “Яны сёння з’яўляюцца прыкладам для нас, каб мы паглыблялі нашу веру, былі людзьмі надзеі і даверу, каб мы ў Хрысце знайшлі поўны сэнс і мэту свайго жыцця”, – сказаў біскуп. На заканчэнне Імшы пробашч парафіі кс. канонік Уладзімір Гуляй падзякаваў іерарху за ўжо традыцыйную прысутнасць у гэты дзень сярод іх. Кс. Юрый Марціновіч  

Біскуп Станеўскі ўдзяліў сакрамэнт канфірмацыі моладзі лідскай Фары

14 верасня стаў асаблівым днём для лідскай парафіі Узвышэння Святога Крыжа (Фара): акрамя таго, што адзначалася парафіяльная ўрачыстасць, дапаможны біскуп Гродзенскай дыяцэзіі Юзаф Станеўскі ўдзяліў групе моладзі сакрамэнт канфірмацыі.

Біскуп Юзаф Станеўскі цэлебраваў літургію Пасхальнай вігіліі ў лідскай Фары

Вечарам у Вялікую суботу, 11 красавіка, у парафіі Узвышэння Святога Крыжа ў Лідзе (Фара) адбылася ўрачыстая літургія Пасхальнай вігіліі. Узначаліў яе Генеральны вікарый Гродзенскай дыяцэзіі біскуп Юзаф Станеўскі.

Велікапосныя рэкалекцыі прайшлі ў лідскай Фары

З 27 па 29 сакавіка ў лідскай парафіі Узвышэння Святога Крыжа (Фара) прайшлі велікапосныя рэкалекцыі. Праводзіў іх кс. Віталій Сідорка, пробашч парафіі Святога Юзафа, рамесніка, і благаслаўлёных сясцёр-мучаніц з Навагрудка ў Лідзе.

Велікапосныя рэкалекцыі ў лідскай Фары: сустрэць жывога Хрыста

З 19 па 21 сакавіка ў лідскай парафіі Узвышэння Святога Крыжа (Фара) прайшлі велікапосныя рэкалекцыі. Праводзіў іх кс. Яўгеній Учкуроніс, пробашч парафіі Святога Яна Паўла ІІ у Смaргоні. На працягу трох дзён святар разважаў пра неабходнасць сустрэчы з жывым Хрыстом і важнасць таго, каб быць сапраўдным сведкам Хрыста. У межах рэкалекцый былі асобныя сустрэчы для мужчын, жанчын і маладых людзей. На сустрэчы з моладдзю святар звярнуў увагу на тое, што трэба быць якасным арыгіналам хрысціяніна, а не яго падробкам. Падчас духоўных практыкаванняў парафіяне маглі прыступіць да споведзі, а таксама ўзяць удзел у набажэнствах Крыжовага шляху, падрыхтаваных сем’ямі парафіі і моладдзю. Дзіяна Бранчэль  

Вялікдзень у лідскай Фары: свята не мінулага, а будучыні

Набажэнствы святога Пасхальнага Трыдууму на чале з пробашчам кс. канонікам Уладзімірам Гуляем адбыліся ў лідскай парафіі Узвышэння Святога Крыжа (Фара).

Гістарычная падзея ў лідскай Фары: дзве прыміцыйныя Імшы

28 чэрвеня ў парафіі Узвышэння Святога Крыжа ў Лідзе (Фара) адбылася гістарычная падзея: два новапрэзбітэры цэлебравалі прыміцыйныя Імшы.

Імшу Апошняй Вячэры цэлебраваў арцыбіскуп Кандрусевіч у Лідзе

6 красавіка, у Вялікі чацвер, вернікі парафіі Узвышэння Святога Крыжа ў Лідзе сабраліся на Імшы Апошняй Вячэры. Цэлебраваў Эўхарыстыю арцыбіскуп эмерыт Тадэвуш Кандрусевіч разам са святарамі, якія служаць у гэтай парафіі. У гаміліі арцыбіскуп звярнуў увагу, што гэтае набажэнства нагадвае пра падзеі, якія адбыліся ў Вячэрніку дваццаць стагоддзяў таму. Падчас Апошняй Вячэры Езус устанавіў Эўхарыстыю, у якой Ён з’яўляецца адначасова святаром і ахвярай, каб раз і назаўсёды ахвяраваць сябе дзеля збаўлення свету. Разам з Эўхарыстыяй Ён устанавіў сакрамэнт пасвячэння, каб успамін Яго мукі і смерці заставаўся да канца часоў. Таксама Езус абмыў ногі сваім вучням, каб даць прыклад пакорнага служэння апосталам і ўсім людзям. У сувязі з гэтым арцыбіскуп падкрэсліў, што ў сучасным свеце адчуваецца недахоп духу служэння, усе імкнуцца валадарыць, таму прыклад Езуса з’яўляецца актуальным і ў наш час. Кажучы пра высновы, да якіх вядзе Апошняя Вячэра Езуса, іерарх адзначыў, што яна заклікае да ўдзелу ў Эўхарыстыі як сакрамэнце любові і хлебе вечнага жыцця. Яна заахвочвае да малітвы аб пакліканнях да святарства, бо без служэння святароў не могуць цэлебравацца Эўхарыстыя і іншыя сакрамэнты. Яна адраджае дух міласэрнага служэння іншым, што з’яўляецца “лакмусавай паперкай” нашага хрысціянства, якое павінна быць жывым і прывабным, а гэта магчыма праз любоў да бліжняга і справы міласэрнасці. “Бязмежная любоў Бога да грэшнага чалавека, апагей якой праявіўся ў Крыжовай смерці Езуса, збавіла чалавека. Таму мы павінны стаць яе носьбітамі, каб, умацаваныя Эўхарыстыяй, маглі будаваць цывілізацыю жыцця, супакою і любові”, – сказаў арцыбіскуп Кандрусевіч. Пасля ўдзялення Камуніі Найсвяцейшы Сакрамэнт перанеслі ў спецыяльна падрыхтаванае месца, якое сімвалізуе цямніцу, дзе быў зняволены Езус пасля арышту ў Гетсіманскім садзе. Табэрнакулюм застаўся пустым і прыадчыненым. Прэс-служба Гродзенскай дыяцэзіі Фота: Анастасія Муціловіч  

Кандыдаты ў міністранты ў лідскай парафіі Святой Сям’і распачалі чарговы этап

20 снежня, у ІV нядзелю Адвэнту, у лідскай парафіі Святой Сям’і дзевяць кандыдатаў у міністранты атрымалі палярынкі. Святую Імшу ўзначаліў душпастыр міністрантаў парафіі кс. Андрэй Белаблоцкі. Пасля гаміліі святар прадставіў кандыдатаў пробашчу парафіі кс. Руслану Мазану і запэўніў, што хлопцы гатовыя перакрочыць новую ступень падрыхтоўкі да службы ля алтара. Затым пробашч памаліўся над кандыдатамі і благаславіў палярынкі. На заканчэнне абраду кс. Руслан адзначыў, што пакліканне да літургічнай службы алтара з’яўляецца дарам Бога, і заахвоціў вернікаў маліцца за маладых хлопцаў, якія хочуць служыць Пану ля алтара. Падчас фармацыі кандыдаты ў міністранты атрымліваюць асноўныя тэарэтычныя і практычныя веды аб літургіі і служэнні ля алтара. Уручэнне палярынак з’яўляецца адным з этапаў падрыхтоўкі хлопцаў да літургічнай службы алтара. Канчатковай ступенню ў падрыхтоўцы кандыдатаў у міністранты з’яўляецца ўручэнне комжаў. Aндрэй Юхнік  

Конкурс ружанцаў прайшоў у наймалодшай парафіі Ліды

У парафіі св. Юзафа, рамесніка, і благаслаўлёных сясцёр-мучаніц з Навагрудка ў Лідзе падсумаваннем усяго кастрычніка, калі католікі асаблівым чынам моляцца на ружанцы, стаў конкурс, у якім удзельнічалі самыя малодшыя парафіяне.

Ксяндзу Анджэю Ганчару ўручаны місійны крыж. Хутка выезд на місіі

26 красавіка ў сваёй роднай парафіі Узвышэння Святога Крыжа ў Лідзе (Фара) кс. Анджэй Ганчар атрымаў благаслаўленне і місійны крыж з рук Генеральнага вікарыя Гродзенскай дыяцэзіі біскупа Юзафа Станеўскага.

Моладзь лідскай Фары падзякавала Богу за адпачынак і папрасіла благаслаўлення на навучальны год

29 жніўня для моладзі лідскай парафіі Узвышэння Святога Крыжа (Фара) адбылася традыцыйная святая Імша на заканчэнне лета, падчас якой кс. Раман Вайцяховіч асабліва маліўся аб Божым благаслаўленні для школьнікаў і студэнтаў на новы навучальны год.

Новыя міністранты ў лідскай парафіі Унебаўзяцця Найсвяцейшай Панны Марыі

29 сакавіка, у V нядзелю Вялікага посту, павялічылася колькасць міністрантаў у лідскай парафіi Унебаўзяцця Найсвяцейшай Панны Марыі (Індустрыяльны).

Пiярскiя сустрэчы для юнакоў прайшлі ў Лідзе

З 13 па 15 сакавіка ў парафіi Унебаўзяцця Найсвяцейшай Панны Марыі ў Лідзе адбыліся пiярскiя сустрэчы для юнакоў. У трохдзённых рэкалекцыях прыняло ўдзел 15 чалавек з Ліды і Шчучынa.

© 2006-2019 GRODNENSIS.BY  Creating and programming by Jan_Dax,  design by Alexey Sauhin.