біскуп Кашкевіч

"У Гродне ён нарадзіўся для Неба". Св. Казіміра ўшанавалі ў гродзенскай катэдры

4 сакавіка ў гродзенскім касцёле св. Францішка Ксаверыя сабраўся на малітве генеральны капітул, апекуном якой з’яўляецца святы каралевіч Казімір. Традыцыйна ў гэты дзень ушанавалі апекуна Гродзенскай дыяцэзіі. 

20-годдзе з часу смерці кс. прэлата Юзафа Грасевіча адзначылі ў Каменцы

7 сакавіка ў парафіяльным касцёле св. Антонія і Аб’яўлення Пана ў Каменцы (Шчучынскі дэканат) адбылася святая Імша за памерлага 20 гадоў таму ксяндза прэлата Юзафа Грасевіча.

200-годдзе асвячэння касцёла з удзелам біскупа Аляксандра Кашкевіча адзначылі ў Вішневе

У нядзелю 28 чэрвеня вернікі парафіі святога Юды Тадэвуша, што на Смаргоншчыне, разам са сваім пастырам біскупам Гродзенскім Аляксандрам Кашкевічам адзначылі 200-гадовы юбілей кансэкрацыі парафіяльнага касцёла святога Юды Тадэвуша.

Iмяніны біскупа Кашкевіча адзначылі ў гродзенскай катэдры

3 мая, у дзень сваіх імянін, біскуп Гродзенскі Аляксандр Кашкевіч узначаліў святую Імшу ў катэдральным касцёле св. Францішка Ксаверыя ў Гродне.

Mалітва ў інтэнцыі бацькаў, якую ўзначаліў біскуп Аляксандр Кашкевіч, адбылася ў гродзенскай катэдры

У першую нядзелю чэрвеня ў Гродзенскай дыяцэзіі адзначаецца Дыяцэзіяльны дзень бацькі. Сёлета ён прыпадаў на ўрачыстасць Найсвяцейшай Тройцы, 7 чэрвеня.

Агульнабеларускі Дзень кансэкраванага жыцця адбыўся ў Гродне

Агульнабеларускі Дзень кансэкраванага жыцця з удзелам прадстаўнікоў усіх манаскіх і законніцкіх супольнасцяў, якія нясуць служэнне ў нашай краіне, 10 лютага прайшоў у Гродне.

Агульнагарадскaя малітва за Беларусь і аб вяртанні арцыбіскупа Кандрусевіча адбылася ў Гродне

9 верасня ў катэдральным касцёле св. Францішка Ксаверыя ў Гродне на заканчэнне перэгрынацыі фігуры святога Міхала Арханёла, галоўнага нябеснага апекуна Каталіцкага Касцёла ў Беларусі, адбылася ўрачыстая Імша.

Адбылося пахаванне ксяндза прэлата Юзафа Трубовіча, найстарэйшага каталіцкага святара ў Беларусі

30 чэрвеня пры касцёле Беззаганнага Зачацця Найсвяцейшай Панны Марыі ў Гродне адбылося пахаванне кс. прэлата Юзафа Трубовіча, найстарэйшага каталіцкага святара ў Беларусі.

Адкрыццё барэльефа Міцкевічу і асвячэнне капліцы адбыліся ў Навагрудку

8 лютага ў Навагрудку адбылася ўрачыстая цырымонія адкрыцця барэльефа Адаму Міцкевічу i памятнай табліцы. Яны былі ўсталяваны на будынку былой дамініканскай гімназіі, дзе вучыўся паэт. Сёння гэта рэкалекцыйны дом, які знаходзіцца пры парафіі св. Міхала Арханёла ў цэнтры горада і быў пабудаваны на фундаменце былой гімназіі.

Адноўлены галоўны алтар асвяцілі ў гродзенскім рэктаральным касцёле

23 жніўня адбылося ўрачыстае адкрыццё і асвячэнне адноўленага галоўнага алтара ў рэктаральным касцёле Звеставання Найсвяцейшай Панне Марыі ў Гродне (пабрыгіцкі).

Адпустовая ўрачыстасць гродзенскай парафіі бл. Мар’яны Бярнацкай адбылася на месцы яе смерці

12 чэрвеня ў парафіі благаслаўлёнай Мар’яны Бярнацкай у Гродне адзначалася адпустовая ўрачыстасць. У гэты дзень прыпадае літургічны ўспамін апякункі парафіяльнай супольнасці. Урачыстая Імша з гэтай нагоды прайшла на месцы спачыну расстраляных падчас Другой сусветнай вайны жыхароў Гродна і Ліпска ў Навумавічах каля Гродна, дзе ў велізарных магілах можа спачываць больш за тры тысячы чалавек, сярод якіх інтэлігенцыя, дзяржаўныя і грамадскія дзеячы, духавенства. У іх ліку таксама Мар’яна Бярнацкая, беатыфікаваная 13 чэрвеня 1999 г. Папам Янам Паўлам ІІ у Варшаве сярод 108 мучанікаў Другой сусветнай вайны. Яна была выбрана апякункай новай парафіі ў горадзе над Нёманам. У гонар благаслаўлёнай у Гродне будзе пабудавана новая каталіцкая святыня, што, як плануецца, стане месцам месцам малітвы асабліва ў інтэнцыі ўсіх сем’яў, каб іх члены на ўзор бл. Мар’яны былі здольныя служыць адзін аднаму. На Эўхарыстыі ў лесе, дзе адбываліся трагічныя падзеі тых часоў, сабраліся парафіяне, якія дзякавалі ўсім сведкам веры, у тым ліку сваёй апякунцы, за іх вялікую адвагу ў простым і сціплым жыцці. Урачыстасць пачалася спевам Літаніі да Найсвяцейшага Сэрца Езуса. Затым адбылася Імша ў інтэнцыі парафіяльнай супольнасці і яе развіцця, з просьбай, каб у бліжэйшы час была магчымасць устанавіць крыж і асвяціць пляцоўку пад будаўніцтва сваёй святыні ў цэнтры гарадскога мікрараёна Баранавічы, які імкліва развіваецца. Імшу ўзначаліў біскуп Гродзенскі Аляксандр Кашкевіч. Іерарх падкрэсліў, што “зямля, на якой мы стаім, была акроплена крывёю шматлікіх мучанікаў падчас Другой сусветнай вайны”, “гэтая зямля з’яўляецца быццам адным вялікім рэліквіярыем, які сёння мы хочам ушанаваць, просячы заступніцтва благаслаўлёнай Мар’яны”. Дэкан Сапоцкінскага дэканату кс. Антоні Абухоўскі ў гаміліі казаў пра важнасць служэння і прысвячэння для іншага чалавека. Святар адзначыў, што па прыкладзе апякункі парафіі трэба імкнуцца любіць кожнага і аддаваць яму сваё сэрца. Падчас Эўхарыстыі вернікі маліліся таксама аб святасці для ўсіх сем’яў Гродзенскай дыяцэзіі, аб веры для дзяцей і моладзі, аб міры і згодзе ў кожным доме, сям’і і супольнасці. У Імшы ўдзельнічаў таксама пробашч грэка-каталіцкай парафіі Маці Божай Фацімскай у Гродне а. Андрэй Крот. На заканчэнне Імшы пробашч парафіі бл. Мар’яны Бярнацкай кс. Юрый Марціновіч падзякаваў усім за дар супольнай малітвы i заахвоціў сваіх парафіян углядацца ў прыклад, які пакінула благаслаўлёная. Святар падкрэсліў, што яе гераічны ўчынак, які заключаўся ў згодзе пайсці на смерць замест сваёй нявесткі, якая чакала нараджэння дзіцяці, заахвочвае сучасных людзей да канкрэтнага дзеяння. Таму кс. Юрый пажадаў, каб благаслаўлёная была ўзорам для кожнай сям’і, каб, наследуючы яе жыццё, можна было будаваць супольнасці, заснаваныя на даверы, любові і ўзаемнай павазе. Пасля Імшы вернікі працяглы час маліліся перад памятным крыжам, аддаючы Богу праз заступніцтва іх апякункі свае інтэнцыі і просьбы, а таксама прынесеныя кветкі са сваіх садоў. Гэтай засяроджанасці і разважанню над уласным жыццём і тым, што можа кожны зрабіць сёння для іншага чалавека і свету, спрыялі добрае летняе надвор’е і спеў птушак. Прэс-служба Гродзенскай дыяцэзіі Фота: Эвеліна Лукашэвіч  

Адпустовая ўрачыстасць з удзелам біскупа Гродзенскага адбылася ў Сапоцкіне

15 жніўня парафія ў Сапоцкіне адзначала адпустовую ўрачыстасць Унебаўзяцця Найсвяцейшай Панны Марыі. У гэты дзень вернікі таксама дзякуюць Богу за сёлетнія плёны, якія дала зямля.

Адпустовая ўрачыстасць у гонар св. Станіслава адбылася ў Ляцку

8 мая ў Ляцку (Шчучынскі дэканат) адбылася адпустовая ўрачыстасць у гонар апекуна парафіі святога Станіслава, біскупа і мучаніка. У гэты дзень вернікаў парафіі наведалі біскуп Гродзенскі Аляксандр Кашкевіч, шматлікія святары і госці. Іерарх узначаліў у прыгожай старадаўняй святыні Імшу, якую цэлебраваў у інтэнцыі ўсёй парафіяльнай супольнасці, асабліва молячыся за дзяцей, якія ў гэтым годзе ўпершыню прынялі ў свае сэрцы Пана Езуса ў святой Камуніі. У гаміліі прэс-сакратар Гродзенскай курыі кс. Юрый Марціновіч падкрэсліў, што святы Станіслаў з’яўляецца для ўсіх узорам хрысціяніна, пастыра, якому вера не дазволіла абыякава глядзець на свет, спрыяць злу, якое пашыралася сярод людзей, што былі вакол яго. “Трэба, каб мы як сыны і дочкі гэтай зямлі, на якой Пан нас паставіў, адчувалі сябе адказнымі за працяг гэтага ланцугу святасці і перадалі яго наступным пакаленням як самы каштоўны скарб”, – дадаў святар. На заканчэнне Імшы біскуп Аляксандр Кашкевіч адзначыў, што Кракаўскі біскуп са Шчэпанава, які прыняў мучаніцкую смерць, да канца будучы верным, адданым і непахісным, абавязвае нас да таго, каб таксама кожны дзень узрастаць у святасці. Пастыр Касцёла на Гродзеншчыне заахвоціў вернікаў і сёння будаваць дом уласнага жыцця, абапіраючыся на скалу Божай ласкі, не шкадуючы высілкаў, каб яго трываласць засноўвалася на вернасці Богу і Яго запаведзям. Адпустовая ўрачыстасць завяршылася эўхарыстычнай працэсіяй вакол святыні, пасля чаго пробашч парафіі кс. Уладзімір Аксенцьеў выказаў словы ўдзячнасці ўсім, хто прыбыў на свята. Пробашч адзначыў, што ляцкая парафія не вельмі вялікая, але на яе тэрыторыі жывуць людзі, якія маюць вялікія сэрцы. Таму ад імя ўсіх гэтых удзячных сэрцаў святар падзякаваў удзельнікам урачыстасці за тое, што захацелі падзяліць з імі радасць гэтага дня. Прэс-служба Гродзенскай дыяцэзіі  

Адпустовую ўрачыстасць у гонар св. Міхала Арханёла адзначылі ў Міхалішках

29 верасня ў касцёле ў Міхалішках (Астравецкі дэканат) адбылася штогадовая адпустовая ўрачыстасць у гонар св. Міхала Арханёла, галоўнага апекуна парафіі.

Асвячэнне капліцы ў гонар слугі Божага Мельхіёра Фардона адбылося ў гродзенскім францішканскім касцёле

13 чэрвеня ў касцёле Маці Божай Анёльскай (францішканскі) у Гродне адбылася адпустовая ўрачыстасць у гонар св. Антонія Падуанскага.

Барэльеф св. каралевічу Казіміру адкрыты ў катэдральным касцёле ў Гродне

1 сакавіка ў катэдральным касцёле св. Францішка Ксаверыя ў Гродне быў адкрыты і благаслаўлены барэльеф святому каралевічу Казіміру.

Біскуп Аляксандр Кашкевіч ва ўрачыстасць Звеставання Пана: “Жыццё – гэта дар Бога”

25 сакавіка рэктаральны касцёл Звеставання Найсвяцейшай Панне Марыі (пабрыгіцкі) у Гродне адзначаў адпустовую ўрачыстасць. Роўна 370 гадоў таму святыня была кансэкравана і атрымала тытул Звеставання. На малітве сабраліся святары, сёстры законныя з Кангрэгацыі Найсвяцейшай Сям’і з Назарэта, якая шмат гадоў апякуецца гэтым касцёлам, і жыхары горада. Урачыстую Імшу ўзначаліў біскуп Гродзенскі Аляксандр Кашкевіч. Як падкрэсліў іерарх у гаміліі, урачыстасць Звеставання Пана нагадвае нам пра тое, што вечны Бог, якога ніхто ніколі не бачыў і які з’яўляецца найдасканалейшым духам, прымае чалавечае аблічча і пасяляецца ў дзявочым улонні Найсвяцейшай Панны Марыі. Біскуп дадаў, што з гэтай хвіліны пачынаецца новая эпоха ў чалавечай гісторыі – эпоха, адзначаная прысутнасцю Езуса, Збаўцы і Адкупіцеля, сярод свайго народу. “Гэта дзівосная хвіліна, калі Бог становіцца чалавекам, каб здзейсніць усё, што Ён задумаў для чалавека. Сын Божы прыйшоў у свет для таго, каб мы сталі сапраўднымі дзецьмі нашага Нябеснага Айца”, – сказаў іерарх. Па яго словах, у гэты дзень мы святкуем цуд з’яўлення новага жыцця, якое стала дарам любові Бога для ўсяго чалавецтва, а таксама прыгадваем праўду пра тое, што кожнае чалавечае жыццё – Божы дар. “Бог любіць жыццё. Кожны чалавек, адораны жыццём, жаданы і любімы Богам. Бо гэты цудоўны дар жыцця ніхто, акрамя Бога, не можа нам даць”, – сказаў біскуп. Пастыр Касцёла на Гродзеншчыне дадаў, што гэты дар не належыць нам і мы не можам ім распараджацца, але можам толькі прыняць яго ў духу паслухмянасці, з найвялікшай пашанай і падзякай. Біскуп падкрэсліў, што ўжо больш за 20 гадоў ва ўрачыстасць Звеставання Пана ў Касцёле адзначаецца Дзень святасці жыцця, а шмат хрысціян здзяйсняе духоўнае ўсынаўленне зачатых дзяцей. Іерарх нагадаў жудасную статыстыку Сусветнай арганізацыі аховы здароўя за 2020 год, якая кажа, што з-за пандэміі COVID-19 ва ўсім свеце страцілі жыццё амаль 2 мільёна чалавек. Адначасова, паводле той жа арганізацыі, у мінулым годзе было зроблена больш за 42 мільёна абортаў. Такім чынам, у выніку абортаў спынілася ў 20 разоў больш чалавечых існаванняў, чым па прычыне каранавірусу. “Як хрысціяне, мы не можам быць да гэтага абыякавымі. Жыццё – гэта дар, цяжкі і прыгожы адначасова”, – дадаў біскуп. У гэты дзень у гродзенскай святыні маліліся за ўсіх бацькаў і маці, якія чакаюць з’яўлення новага жыцця, а больш за 40 чалавек далучыліся да малітоўнай ініцыятывы духоўнага ўсынаўлення зачатага дзіцяці. На заканчэнне ўрачыстасці рэктар касцёла кс. канонік Антоні Грэмза падзякаваў усім за прыбыццё і супольную малітву. Кс. Юрый Марціновіч Фота: Вольга Сяліцкая  

Біскуп Аляксандр Кашкевіч у 44-ю гадавіну пасвячэння наведаў Парэчча

30 мая, у чарговую гадавіну прэзбітэрскага пасвячэння, біскуп Гродзенскі Аляксандр Кашкевіч наведаў парафію ў Парэччы, дзе перад абразом Маці Божай Нястомнай Дапамогі дзякаваў за ўсе атрыманыя дары і ласкі.

Біскуп Аляксандр Кашкевіч у Тракелях: нам патрэбная дапамога Маці, Яе апека

30 жніўня ў дыяцэзіяльным санктуарыі Маці Божай Каралевы нашых сем’яў у Тракелях (Радунскі дэканат) на заканчэнне Дзён малітвы-падзякі Маці Божай Тракельскай за атрыманыя дары святую Імшу ўзначаліў біскуп Гродзенскі Аляксандр Кашкевіч.

Біскуп Аляксандр Кашкевіч удзяліў прэзбітэрскае пасвячэнне кармэліту Ігнату Падарэцкаму

19 верасня ў санктуарыі Гродзенскай дыяцэзіі Маці Божай Шкаплернай у Гудагаі (Астравецкі дэканат) дыякан Ігнат Падарэцкi ад Хрыста Укрыжаванага з ордэну кармэлітаў босых прыняў сакрамэнт пасвячэння ў ступені прэзбітэрату.

Біскуп Гродзенскі благаславіў новую пральню ў Доме міласэрнасці ў Каменцы

7 сакавіка біскуп Гродзенскі Аляксандр Кашкевіч благаславіў новую пральню, якая была адкрыта пры Доме міласэрнасці ў Каменцы (Шчучынскі дэканат).

Біскуп Гродзенскі заахвочвае да малітвы за нашу краіну з просьбай аб дары міру

У сувязі з сённяшняй грамадска-палітычнай сітуацыяй у Беларусі біскуп Гродзенскі Аляксандр Кашкевіч горача заахвочае ўсіх дыяцэзіян і людзей добрай волі да ўдзелу ў малітоўнай акцыі з просьбай аб дары міру і паяднання для ўсіх жыхароў нашай краіны. Таксама ардынарый заклікае святароў адправіць адну Імшу ў інтэнцыі нашай Бацькаўшчыны.

Біскуп Гродзенскі заахвочвае прамовіць малітву Папы Францішка аб спыненні пандэміі

У сувязі з трываючай пандэміяй каранавірусу Святы Айцец Францішак прапанаваў вернікам Каталіцкага Касцёла тэкст малітвы, якая ўпісваецца ў традыцыйны Марыйны характар месяца мая і якую сам Папа прамаўляе ў духоўнай лучнасці з верным народам.

Біскуп Гродзенскі наведаў санктуарый у Тракелях і абмеркаваў фармат сёлетняй адпустовай урачыстасці

1 чэрвеня біскуп Гродзенскі Аляксандр Кашкевіч наведаў дыяцэзіяльны санктуарый Маці Божай Каралевы нашых сем’яў у Тракелях (Радунскі дэканат).

Біскуп Гродзенскі падчас Літургіi Мукі Пана: у крыжы наша надзея

10 красавіка, у Вялікую пятніцу, біскуп Гродзенскі Аляксандр Кашкевіч узначаліў Літургію Мукі Пана ў гродзенскай парафіі Адшукання Святога Крыжа (бэрнардынскі касцёл).

© 2006-2019 GRODNENSIS.BY  Creating and programming by Jan_Dax,  design by Alexey Sauhin.