Для чалавека вельмі важнай з'яўляецца мэта і матывацыя для дасягнення гэтай мэты. Нашая мэта вельмі выразная - дасягнуць Неба. Адным з найбольш эфектыўных сродкаў дасягнення вечнага выратавання з'яўляецца малітва. Малітву можна назваць ключом да выратавання. Малітва для жыцця нашай душы - тое ж, што кісларод для нашых лёгкіх. Вось чаму святы Аўгустын сцвярджаў: "Хто моліцца добра, той жыве добра. Хто жыве добра, памірае добра. А хто памірае добра, у таго ўсё добра". Таксама мы маем магутную заступніцу перад тронам Госпада, якая дапамагае нам дасягнуць Неба і матывуе нас засяродзіць нашыя намаганні на Боге - гэта, вядома, Найсвяцейшая Дзева Марыя.
Любімая малітва Марыі
Ёсць малітва, якая напаўняе сэрца Багародзіцы радасцю - гэта "Вітай, Марыя" і, асабліва, малітва Ружанца. Кожны раз, калі мы звяртаемся да Марыі са шчырым сэрцам, яе сэрца радуецца. Таму прапануем вашай увазе 10 пунктаў, якія матывуюць нас маліцца Святым Ружанцам.
1. Божая Маці Фацімская
Найсвяцейшая Дзева Марыя шэсць разоў з'яўлялася тром маленькім пастушкам ў Фаціме, Партугалія. І кожны раз Маці Божая казала: "Маліцеся Ружанцам".
2. Яе імя
Напрыканцы сваіх аб'яўленняў Божая Маці назвала сябе "Царыцай Ружанца". Таму, калі Дзева Марыя шэсць разоў настойвала на неабходнасці маліцца Ружанцам і сама называла сябе "Царыцай Ружанца", здаровы сэнс падказвае нам, што яна сапраўды хоча, каб мы так маліліся!
3. Папа Ян Павел II
Гэты вялікі святы сучаснасці і сапраўдны духоўны гігант настойліва рэкамендаваў усім маліцца Святым Ружанцам. У сваім пасланні "Ружанец Панны Марыі" намеснік Хрыста настойваў на тым, каб мы чыталі гэтую малітву. У пачатку свайго пантыфікату ён сам сказаў, што Ружанец з'яўляецца яго самай любімай малітвай.
4. Дзеля сям'і
У тым жа дакуменце св. Ян Павел II настойваў на тым, каб мы маліліся Ружанцам за сям'ю, якая знаходзіцца пад пагрозай і ва ўмовах глыбокага крызісу. З ростам колькасці разводаў, легалізацыяй аднаполых шлюбаў, з тай колькасцю дзяцей, якія засталіся без сямейнага цяпла, сёння больш чым калі б там ні было мы павінны маліцца Святым Ружанцам. Святы Айцец цытуе Слугу Божага а. Патрыка Пэйтана: "Сям'я, якая моліцца разам, застаецца непарушнай".
5. Дзеля сусвету
Гэты дакумент св. Яна Паўла II быў апублікаваны неўзабаве пасля тэракту з хмарачосамі ў Нью-Ёрку. Такім чынам, яшчэ адна інтэнцыя для малітвы Ружанца сёння, больш чым калі-небудзь - гэта супакой ва ўсім свеце. Перад пагрозай ядзерных узбраенняў і росце агульнай напружанасці паміж народамі, Ружанец можа быць нашым шчытом і абаронай. У канцы Першай сусветнай вайны Найсвяцейшая Багародзіца ў Фаціме ясна сказала, што вайна наступіла ў выніку граху; і калі людзі не перастануць грашыць, то выбухне сусветная вайна яшчэ страшней гэтай. Праз дваццаць гадоў - Другая сусветная вайна. Яго Эксцэленцыя Арцыбіскуп Фултан Джон Шын казаў, што сусветныя войны - гэта чысты вынік мноства асобных войнаў, якія вядуцца ў сэрцах грэшнікаў, якія распаўсюдзіліся на паселішча, гарады, краіны і кантыненты. Грэх нараджае вайну, малітва нараджае свет у сэрцах, розумах, душах і гармонію паміж народамі.
6. Дзеля бяспекі нашых дзяцей
Яшчэ ніколі грамадства не ўяўляла такую небяспеку ў адносінах да нашых дзяцей і падлеткаў. Вялікае значэнне мае чысціня. Сучасныя СМІ, Інтэрнэт, разнастайная рэклама, сучасныя фільмы і тэлевізійныя праграмы люта перашкаджаюць цноце чысціні. Прама скажам, часам складваецца ўражанне, што мы жывём у "грамадстве парнаграфіі". Адданасць Маці Божай і малітве Ружанца можа служыць шчытом супраць гэтага націску. Адным словам, мы павінны атуліць нашых дзяцей у чыстым і бязгрэшным сэрцы Марыі; яна - аазіс, прытулак, бяспечны каўчэг і наша абарона. Калі вы, як Ной, яго сям'я і жывёлы, шукаеце абароны ад патопу ў каўчэзе, каўчэг Беззаганнага Сэрца Найсвяцейшай Багародзіцы безумоўна стане бяспечным прытулкам.
7. Каб упарадкаваць наш беспарадак
У выніку першароднага граху, які ўсе мы ўспадкоўваем, нашае жыццё адзначана бязладнасцю. Нашае мысленне, нашая воля, эмацыйны стан, нашая душа, намеры, нашае сямейнае і сацыяльнае жыццё маюць пэўныя засмучэнні. Св. І. Лайола казаў, што мы робім духоўныя практыкаванні для таго, каб "навесці парадак" у нашым жыцці. Грэх выклікае фрустрацыю, малітва праносіць парадак. Малітва да Найсвяцейшай Багародзіцы насычае нашую душу і напаўняе яе Духам Святым, а Дух Святы ёсць Бог парадку. Праз малітву Святога Ружанца Маці Божая можа дапамагчы нам перамагчы неўпарадкаванасці нашага жыцця.
8. Для ўнутранага супакою душы і розуму
Яшчэ адным выдатным плёнам малітвы Ружанца з'яўляецца супакой розуму, сэрца і душы. Усе мы прагнем супакою, а Найсвяцейшая Багародзіца таксама з'яўляецца "Царыцай міру" і можа дамагчыся для нас гэтага міру, якога так прагнуць нашыя сэрцы.
Як нагадвае нам гімн, "хай будзе мір на зямлі, і хай ён пачнецца з мяне".
9. Гэта біблейская малітва
Св. Папа Ян XXIII сказаў, што Ружанец з'яўляецца кароткім пераказам усяго Евангелля. Ён, сапраўды, заснаваны на Бібліі, нават малітвы "Ойча наш" і "Радуйся, Марыя" маюць сваю аснову ў Евангеллі. Таму, горача молячыся Ружанцам, мы лепш пазнаем Езуса і Марыю і ўлюбляемся ў іх, а затым можам стаць іх палымянымі апосталамі ў сусвеце. Як нагадаў нам Папа Францішак ў сваім пасланні на Вялікі пост: "Усё шырэй распаўсюджваецца глабалізацыя абыякавасці, таму што ў свеце не хапае Божай любові. Гэтая любоў можа быць запалена з дапамогай любові Найсвяцейшай Багародзіцы і Святога Ружанца - сапраўды біблейскай малітвы".
10. Каб перамагчы нашыя нягоды
Давід павінен быў змагацца супраць злоснага волата Галіяфа. Стратэгічна не было ніякага спосабу, якім маленькі, неспрактыкаваны, непадрыхтаваны пастух мог перамагчы волата Галіяфа. Ён быў нібы мурашка супраць слана. Тым не менш, Біблія адкрывае нам вельмі канкрэтную ісціну: няма нічога немагчымага з Богам. Давід цалкам даверыўся Богу, Валадару Нябёсаў. І мы ўсе ведаем, чым гэта скончылася. Перамогай, дзякуючы ўмяшанню Бога. Сёння мы акружаны такой колькасцю "Галіяфаў", што цяжка падлічыць. Тым не менш, нашая дапамога - у Госпадзе, Які стварыў неба і зямлю. Звернемся за дапамогай да Царыцы нябёсаў і зямлі і выйграем гэтую бітву. Езус з'яўляецца Царом неба і зямлі, а Найсвяцейшая Дзева Марыя - нашая Царыца. Знойдзем прытулак пад яе нябеснай мантыяй!
Паводле рускатолик.рф