Парафіі

У ХІХ ст. тут, у валоданнях Валіцкіх, пазней Біспінгаў, дзейнічала рыма-каталіцкая капліца ад парафіі гродзенскай катэдры. З канца стагоддзя больш не згадвалася. Мясцовыя жыхары аб былой каталіцкай святыні не памятаюць. На паўднёвай ускраіне вёскі дзейнічае праваслаўная царква, пры ўваходзе ў якую захавалася закладная табліца з надпісам «Załoźona w 1843 roku». Такім чынам уніяцкай царквой яна быць ужо не магла, а вось дзейнічаць як каталіцкая капліца да 1864 г. магла. Але доказаў гэтаму пакуль не знойдзена.

14 чэрвеня ў аг. Верцялішкі пры ўдзеле мясцовых вернікаў а таксама гасцей, Яго Эксцэленцыя Ксёндз Біскуп Аляксандр Кашкевіч асвяціў Крыж і пляц, прызначаны пад будову новага касцёла Святой Сям'і.