Дарагія Чытачы!
Вельмі часта ў размовах асабліва са старэйшым пакаленнем можна пачуць, што “маладыя людзі сёння іншыя, не цікавяцца Богам”. Гавораць, што моладзь зараз не жыве хрысціянскімі каштоўнасцямі, паглынутая сучаснымі гаджэтамі, праводзіць жыццё ў віртуальным свеце.
V Агульнабеларускія дні моладзі, якія былі арганізаваны ў сталіцы нашай дыяцэзіі, – пацвярджэнне таго, што гэта не зусім так. Няпраўда, што ў маладога пакалення няма прагнення веры ў Бога. Такое прагненне ў яго ёсць!
Каталіцкі Касцёл сапраўды робіць вельмі шмат, каб дапамагчы маладым людзям яшчэ больш умацаваць і заспакоіць гэтае прагненне. Такой была мэта і моладзевага форуму, які сабраў сотні хлопцаў і дзяўчат з усіх дыяцэзій нашай краіны.
Давайце памятаць у малітвах аб маладых людзях, каб яны заўсёды былі сведкамі Божай любові, сейбітамі надзеі і будаўнікамі міру!