Біскуп эмерыт Гродзенскай дыяцэзіі, Старшыня Рады па справах міграцыі, турызму і пілігрымак пры Канферэнцыі Каталіцкіх Біскупаў у Беларусі
Нарадзіўся 23 верасня 1949 года ў Падгайдзі (Літва). Закончыў Вышэйшую духоўную семінарыю ў Каўнасе. Святарскія пасвячэнні атрымаў 30 мая 1976 года. Да 1981 года служыў вікарыем у Панявежысе, пасля – пробашчам у парафіі Святога Духа ў Вільні. У 1991 годзе 13 красавіка прызначаны Папам Янам Паўлам ІІ першым біскупам Гродзенскай дыяцэзіі. У 2006–2015 гг. выконваў абавязкі Старшыні Канферэнцыі Каталіцкіх Біскупаў у Беларусі, узначальваў Рады па справах моладзі і каталіцкага выхавання. 30 верасня 2024 года змяніў біскупа Аляксандра Кашкевіча на пасадзе дыяцэзіяльнага біскупа Гродзенскай дыяцэзіі.
У гербе ардынарыя Аляксандра Кашкевіча змешчаны капялюш зялёнага колеру на знак надзеі, адмыслова ўкладзены шнур і шэсць фрэнзляў, што ўказвае на біскупскую годнасць. Лацінскі крыж падкладзены пад шчыт. Яго аздабляюць карона (сімвал перамогі), літара “М” (усе справы біскуп аддае ў рукі Божай Маці) і Сэрца Езуса, з якога выходзяць два прамяні (спасылка на высакародную праўду аб Божай Міласэрнасці). Знізу шчыта размешчаны паўмесяц, які нагадвае пра Вастрабрамскую Маці Божую. З раннехрысціянскіх часоў паўмесяц з’яўляецца сімвалам Багародзіцы як Каралевы Нябёсаў. Знізу герб дапаўняе дэвіз біскупскай паслугі, напісаны на стужцы: “Jezu in Te confido” (“Езу, давяраю Табе”). Ён з’яўляецца ключом да інтэрпрэтацыі самога герба, а таксама заключаных у ім своеасаблівых прыярытэтаў пастырскай паслугі ардынарыя.